As recompensas do curso

Coma outros anos pechamos o curso na biblio facendo entrega das recompensas aos nenos e nenas que participaron nas distintas actividades que propuxemos:

A aqueles e aquelas que completaron o reto lector:

A aqueles e aquelas que cada mes levaron a cabo un reto do LiliSteam:

Para aqueles e aquelas que participaron no Club de Lectura "Lili Lin Club:

E, por suposto, unha dedicatoria e unha aperta anfibia para os voluntarios e voluntarias deste curso, moitísimas grazas polo voso traballo!

Fin do I Club de Lectura "Lili Lin Club"

Ola lileiros e lileiras!

Nestes últimos días de curso vouvos contar un segredo: algunha persoa sabe o que pasaba no medio da mañá todos os martes e mércores dende o mes de xaneiro? Nenos e nenas de 2º, 3º, 4º, 5º e 6º de educación primaria participaron nas distintas seccións do I Club de Lectura do cole Santa María. Que teñen en común todos e todas eles/elas? Pois que lles gusta moitísimo ler.

Durante este tempo organizados en catro grupos fixeron distintas lecturas e realizaron actividades sobre elas. 

Espero que lles gustase moito a experiencia e volver atopalos na segunda edición deste xenial club.

Unha aperta!

 

Día das Letras Galegas

Non vos contamos que ben o pasamos o Día das Letras Galegas?

Este curso celebramos este día o 15 xa que o 17 era festivo. Despois do tempo de lecer xuntámonos todos e todas no patio e fixemos grupos. Pero non fixemos grupos por cada curso, mesturámonos e en cada grupo había nenos e nenas de todas as idades.

Lili preparara distintas actividades relacionadas co Día das Letras Galegas e tamén coa autora homenaxeada este ano, Begoña Caamaño.

• Puxéronnos música para bailar.

• Tamén nos puxeron música para cantar.

• Xogamos a "Pasapalabra" na entrada do cole.

• Falamos pola radio.

• Tamén participamos en xogos tradicionais.

• Pintamos un mural e fixemos pasatempos no patio.

• Fomos á biblioteca para mover os robots aprendendo máis cousas sobre a vida de Begoña Caamaño.

Bromas de fin de curso

 

Os nenos e as nenas de 4ªEP quixeron despedir as ondas da radio este curso contando chistes. Aí vos quedan!

Enquisa de fin de curso

Un ano máis imos chegando ao remate do curso. Para axudarnos a seguir mellorando a biblioteca gustaríanos que cubrísedes, coma outros anos, unha enquisa para valorar os servizos, as actividades e outras iniciativas que fixemos dende a casiña de Lili.

Por favor preme na enquisa que vos corresponda, só leva uns minutiños.

Moitas grazas!

• ALUMNADO
• ALUMNADO AXUDANTE
• FAMILIAS
• PROFESORADO

Visita de Ana Meilán

Ola a todos e a todas! 

Entre as celebracións do Día do Libro e a Semana das Letras Galegas recibimos a visita de esscritora Ana Meilán. 

Contounos tres dos seus contos: a educación infantil e 1ºEP Non o fagas, Tarbi!; a 2º, 3º e 4º Xertrudis busca traballo; e a 5º e 6º O que a serea esqueceu. 

Foi unha visita fantástica, mil grazas por vir!

Obradoiro con Carlos Gallego

O pasado luns 27 recibimos a visita do ilustrador Carlos Gallego co que practicamos a técnica co collage para realizar fantásticas creacións.

Gozamos dende 4ºEI a 6ºEP.

Mil grazas por aceptar o noso convite!