Este curso convertemos o Día de Rosalía nunha semana con distintas actividades, como as cancións que preparamos co noso profe de música.
Ademais, na biblioteca, no reto do mes de febreiro deseñamos chapas e tamén poidemos xogar cos nosos robots para repasar todo o que sabemos da nosa escritora universal.
Reto febreiro 2025-26 de BiblioliliOla a todos e a todas!
Para conmemorar o nacemento de Rosalía de Castro, fixemos distintos traballos no cole. Nun deles estivemos cantando poemas de Rosalía versionados pola cantante Uxía, que recopila no seu libro-cd, Rosalía pequeniña.
Nesta ligazón atoparedes as alumnas e alumnos de 6º, que cantaron "A grasia non era moita":
Ola a todos e a todas!
O día 23 de febreiro é o día do aniversario de Rosalía de Castro. Como este ano coincide en domingo, no cole decidimos celebralo tod@s xunt@s este venres 21.
Comezamos as celebracións durante o tempo de lecer. Na biblioteca agardaban por nós distintos tipos de robots sobre taboleiros con información da vida e obra da poeta. Os robots tiñan que moverse até o recadro que ilustraba a resposta correcta ás distintas preguntas que se ían formulando.
Despois do recreo xuntámonos tod@s no ximnasio e cada aula amosou o traballo que realizaramos estes días. Comezou o alumnado de 6ºEP realizando presentacións en pequenos grupos sobre a vida e obra de Rosalía. A continuación, o alumnado de educación infantil cantounos os versos "Eu ven vir estar ó moucho" de Cantares Gallegos. Despois, a aula de 5ºEP probou os nosos coñecementos sobre esta autora cun concurso de "verdadeiro ou falso". Os nenos e nenas de 1º e 2º recitaron cadanseu centón, un poema creado a partir da selección e mestura de versos de distintos poemas de Rosalía. Finalmente, o grupo de 4º recitou o poema "Miña casiña, meu lar". Como neste poema cóntase como se pode preparar un caldo xeitoso, "de gloria", o alumnado de 3º explicounos nunha pequena representación como pode ser a súa elaboración.
Ola, Liliseparador@s!
Hoxe homenaxeamos a Rosalía de Castro no seu aniversario. Seguindo a temática do noso PDI de centro, reciclaxe e medio ambiente, plantamos pensamentos que era unha das flores preferidas desta autora.
Despois de estudar un pouco máis sobre a súa vida e obras, realizamos un cuestionario con taboleiros e escornabots:
Bos días, Lililectores!
Esta é a historia dunha nena que brillaba no silencio da noite. A nena era diminuta e a noite pecha e, aínda así, ela nunca tivo medo da escuridade. Porque onde máis negra é a sombra é onde mellor se ven as estrelas.
Sabedes a quen me estou referindo? A Rosalía de Castro.
Na biblioteca temos este libro para que coñezades un pouquiño máis a esta marabillosa escritora.
Agora aos maiores tócavos ser detectives neste apaixonante xogo.
