Bos días, Lililectores, aínda que estamos estos días na casa, dende a biblioteca, seguimos adiante co noso taller de escritura creativa.
Hoxe traio unha nova actividade chea de imaxinación. Como seguramente estades vendo estes días, estamos rodeados e rodeadas de diferentes medios de comunicación que nos traen un montón de noticias, algunhas boas, outras malas..., pero nós imos crear hoxe NOTICIAS DISPARATADAS, poñendo en marcha toda a nosa creatividade para facer as noticias máis divertidas.
Esta actividade consiste en escoller unha palabra de cada columna das que vos deixo a continuación e con esas dúas palabras crear unha noticia totalmente divertida e disparatada. As palabras que eu escollín foron : araña e zapatos, e a noticia que escribín foi...
"Araña xigante invade a cidade e marca tendencia de primaveira cos seus novidosos zapatos. Todas as zapaterías da cidade están desexando conseguilos para vendelos".
Aquí tendes as palabras para formar as vosas noticias. Adiante coa CREATIVIDADE!!
Cando teñades listas as vosas noticias, podedes mandalas ao correo de Lili:
bibliolilisanta@gmail.com
Cando teñamos todas publicaremos unha folla de prensa coas vosas súper novas.
