Mensaxe de Lili

 A nosa querida Lili deulles a benvida aos nenos e nenas que acaban de chegar ao cole, queredes escoitala vós tamén?

Benvid@s ao curso 2025-2026

Ola lileiros e lileiras!

Benvid@s a un novo curso no Santa.

Este ano abrimos a biblio un día moi especial: O Día das Escritoras. Coa axuda d@s nov@s axudantes da biblio preparamos catro probas para coñecer (ou recordar) mellor a biblioteca. Para poder entrar tiveron que montar un quebracabezas. Resultaron ser imaxes de distintas escritoras.

Xa dentro resolveron probas relacionadas coas normas, cos distintos recunchos e tamén sobre como se ordenan os libros que temos.

Como todas as aulas superaron as probas puideron levarse os novos carnés e máis a cesta de libros que preparamos para enriquecer as biblios de aula.

Moitas grazas pola participación e un agrademento especial ao alumnado axudante que o fixo xenial!

Unha aperta!

As nosas recompensas

 Ola a tod@s @s lileir@s!

Rematamos o curso esta semana. Estes últimos días de clase foron para recordar, recompilar e tamén para agradecer a vosa participación nas actividades da biblioteca.

Nun dos recreos quedámonos un anaquiño máis para darlles un cariño a todos os nenos e a todas as nenas que remataron o reto lector.

Tamén tiveron recompensa os voluntarios e voluntarias deste curso. 

E, finalmente, fixemos un reto Steam especial para o alumnado que superou os retos en todos os meses anteriores.

Enquisa anual

Coma todos os anos, gustaríanos que nos axudásedes a mellorar a biblioteca. Para iso deixamos aquí unhas enquisas para completar. Para participar premede no voso apartado.

E se tedes calquera outra suxestión ou comentario, non dubidedes en facelo!

Un saúdo de Lili

• FAMILIAS
• ALUMNADO
• ALUMNADO AXUDANTE
• PROFESORADO

Sobre Lector

 Este curso puxemos a andar Sobres Lectores. Con eles enviamos ás distintas aulas os xornais e revistas que recibimos no cole para que puidesen ser lidos durante a Hora de Ler.

Obradoiro de Títeres

 Coma todos os anos, os nenos e as nenas de 5º de educación primaria levaron a cabo un obradoiro dentro do programa Biblioteca Creativa. Este curso pedímoslle a Ton Arenas que nos axudase a facer títeres para as nosas obras de teatro. E así, foi! Cun pouco de atraso xa que tivemos que pospoñer a visita por mor do apagón, o alumnado aprendeu a deseñar títeres de cartón. Temos moitas ganas de que nolos ensinen a facer nos obradoiros de LiliSteam do curso que vén.

Mil grazas Ton polo taller!

Biblioteca Creativa 2025 de Bibliolili

Contacontos

 Bos días lileiros e lileiras!

Despois de ler A vaca dixo mua no 1º ciclo, Cuentos que dan mucho juego no 2º ciclo e Cuentos en verso para niños perversos no 3º, achegouse Vicki ao cole para axudarnos a darlles vida.

Con ela dramatizamos e xogamos coas distintas historias que leramos.

Mil grazas pola visita!

Contacontos de Bibliolili