Bo día, Liliseparador@s!
Esta semana fixemos unha xincana traballando así o Día Mundial da saúde e o Día do libro. Esta consistía en ir superando estacións con probas físicas e obtendo así cartas de gamificación de monstros que ameazan o noso planeta. Grazas ao xogo cooperativo conseguistes un agasallo para a vosa biblioteca de aula.
Só heroes e heroínas ambientais como vós podedes derrotalos!!!
.png)
PARABÉNS LILISEPARADOR@S!
Ola, Liliseparador@s!
Seguimos gozando no día de hoxe, da actuación do profe de música cantando contos da nosa biblio. Nesta ocasión tocoulles aos nenos e nenas de 1º e 2º de E. Primaria.
Bo día, Liliseparador@s!
Comezamos coas actividades da semana do libro. Os nenos e nenas de infantil tiveron un cantacontos moi especial. Grazas profe Carlos por descubrirlles aos nenos o apaixonante mundo dos contos e da música.
PARABÉNS ARTISTA!!!
Bos días, Lilicientífic@s!
Por fin chegou o ansiado día e pallaso corazón comezou a súa actuación. Moitas grazas á profe Vicky que fixo que o 23 de abril fora moi especial.
Bos días, Lililector@s!
Esta semana o equipo de dinamización da lingua galega e o equipo de biblioteca propuxéronvos a actividade "VERBAS EN FEMININO". Cada curso traballou unha escritora galega a través dos libros que temos na nosa biblio.
Non podo estar máis contenta co mural que fixestes!!!
Verbas en feminino enchendo esas preciosas ás.
Bos días, Lililector@s!
Rematamos o apadriñamento lector nesta semana do libro. Espero que a vosa imaxinación científica voara e que desfrutárades coa poesía. Hoxe os padriños lectores foron: Víctor, Bea, Cris, Xoel, Sebas, Hugo, Carmen e Mario. Parabéns!!!
Bos días, Lilicientífic@s!
Que vos pareceu a visita sorpresa de hoxe? Roubouvos pallaso corazón un anaquiño do voso corazón?
O venres agárdavos un conta-ciencia. Estade atentos!!!
Bos días, Lililector@s!
Hoxe, Iker e Bea, foron os encargad@s de ler aos nenos e nenas de 3.º e 4.º de E. Primaria. Noraboa polo bo traballo rapaces!!
Bos días, Lililector@s.
Seguimos co apadriñamento lector con poesías de ciencia. Hoxe é o turno dos nenos e nenas de 1.º e 2.º de primaria.
Parabéns aos meus axudantes, Alicia e Antón, que o fixeron moi ben.
Bos días, Lililector@s.
Comezan as sorpresas. Hoxe tócalles aos nenos e nenas de infantil, que asistiron a un apadriñamento lector online en streaming narrado por Carmen e Martín, de 5.º de Primaria. Espero que vos gustara.
