GUÍA DE RECICLAXE

Bo día, Liliseparador@s!

Este ano traballastes moitísimo mellorando o noso Planeta. Aquí tedes unha recompilación do voso esforzo. Entre todos faremos un MUNDO MELLOR.

SEGUIDE ASÍ!!!

DÍA MUNDIAL DO MEDIO AMBIENTE

 Bo día, Liliseparador@s!

Onte foi o Día Mundial do Medio Ambiente. Os nenos e nenas máis pequen@s do cole están aprendendo o papel que xogan as abellas no medio ambiente, xa que é fundamental e insubstituíble. A extinción destes insectos sociais prexudicaría de forma importante o equilibrio ecolóxico do planeta, ata tal punto que a supervivencia humana sería case imposible.

A abella é un auténtico detector ecolóxico porque o seu corpo está cuberto de pelos que axudan a capturar as substancias que entran en contacto con elas, é sensible a moitos produtos tóxicos e visitan todos os sectores ambientais: chan, vexetación, aire e auga.

Grazas ao microscopio os nenos e nenas puideron espertar o seu interese científico, observaron o mundo desde unha perspectiva diferente, melloraron as súas habilidades analíticas e estimularon a súa concentración. 

O medio ambiente é responsabilidade de todos! 

PARABÉNS PEQUEN@S GARDIÁNS DO MEDIO AMBIENTE!!!

Tamén os nenos e nenas de 4º de E.P. prepararon uns taboleiros de reciclaxe para os escornabots e despois xogaron con eles. Mirade canto aprenderon e que ben o pasaron!

GUÍA DE LECTURA PARA O VERÁN

 Bo día, Liliseparador@s!

Que pouco falta para as vacacións de verán! 

Este curso puiden comprobar canto vos gusta vir á biblioteca e utilizar o recuncho creativo. Por iso, nesta guía ademais de recomendacións de libros, tedes tamén xogos para que as tardes sexan máis amenas. Gozade das vacacións que o tedes merecido!!!

Mirade os BOOKTUBERS do cole recomendando as súas lecturas:

TOP TEN

 Bo día, Liliseparador@s!

Despois dun ano de moitísimas lecturas é o momento das recompensas. Parabéns aos dez lector@s máis activ@s!

Déixovos aquí a listaxe dos libros que máis collestes este curso.

A VOSA OPINIÓN IMPORTA

 Bo día Liliseparador@s!

Un curso máis queremos mellorar a nosa biblio e para iso tedes un gran misión, sodes @s encargad@s de cubrir as seguintes enquisas. Gracias a toda a comunidade educativa pola súa colaboración.

Enquisa para as familias de E. Infantil:

Enquisa para as familias de E. Primaria:

Enquisa para os alumnos e alumnas:

Enquisas para os encargados e encargadas:

MALETA VIAXEIRA UCRAÍNA

 Bo día, Liliseparador@s!

Xa temos no cole, ata o día 6 de xuño, unha maleta de acollida do alumnado desprazado polo conflito en Ucraína con temática sobre as situación de guerra, a condición das persoas refuxiadas, e algúns libros bilingües castelán-ucraíno. Estos libros percorrerán as clases para sensibilizar ao alumnado e fomentar a inclusión dos nos@s nov@s compañeir@s!

PAPEL RECICLADO

 Ola, Liliseparador@s!

Os nenos e nenas que realizaron o obradoiro de papel reciclado, déronlle uso ao creado preparando distintos traballos sobre o homenaxeado das letras galegas.

Déixovos unha mostra do impresionante que quedou. Parabéns artistas!!!

OBRADOIRO DE IMPRESIÓN 3D

 Bo día, Liliseparador@s!

Dende o cole temos o propósito de promover a aprendizaxe mediante a integración de actividades de impresión 3D co fin de que o noso alumnado poida aprender e dominar as novas tecnoloxías, adquirir novas competencias, desenvolver a súa creatividade e fortalecer a capacidade de resolver problemas de forma lóxica.

Por iso, onte tivemos un obradoiro de impresión 3D impartido por unha persoa moi especial, a mestra Cecilia que anos atrás estivo no noso cole e que tanto sabe sobre esta temática. O resultado final foi a creación dun selo de reciclaxe.

Moitas grazas pola túa axuda, volve cando queiras!!!

EMPREGAMOS AS NOVAS TECNOLOXÍAS

 Bo día, Liliseparador@s!

As novas tecnoloxías teñen moitos beneficios para os nenos e as nenas. Unha contorna de aprendizaxe personalizada pode facer que se sentan máis motivados á hora de aprender a impulsar a súa educación, permitindo que deixen voar a súa imaxinación nas súas propias aventuras e que exploren e descubran cousas novas mentres xogan.

Mirade os nenos e nenas máis pequenos do cole que ben o pasan e canto aprenden!!!

LAPIS 3D

 Ola Liliseparador@s!

Temos unha nova adquisición na biblio, unha ferramenta para iniciarse na impresión en tres dimensións. Ademais de axudar a desenvolver a imaxinación e o pensamento espacial, serve para expresar e plasmar as vosas creacións.

Espero que gocedes do lapis 3D que xa forma parte do noso recuncho maker.

DÍA DAS LETRAS GALEGAS 2022

 Bo día, Liliseparador@s!

Hoxe celebramos o Día das Letras Galegas. Este ano están adicadas a Florencio Manuel Delgado Gurriarán, un poeta ourensán namorado da súa terra galega. Aquí vos deixo un xogo para comprobar se sodes expertos neste escritor galego.

PARA INFANTIL E 1.º DE E.P.

PARA 2.º E 3.º DE E.P.

PARA 4.º,5.º E 6.º DE E.P.

Ademais ao longo da mañá realizaremos actividades cos escornabots, xogaremos ao hexágono e cantaremos e bailaremos regueifas. 

Que ben o pasastes e canto aprendestes do autor homenaxeado. Dá gusto ver como participades activamente en todas as actividades propostas. Tedes aquí unha pequena mostra.

PARABÉNS!!!

XOGAMOS DESENVOLVENDO A NOSA CREATIVIDADE

 Bo día, Liliseparador@s!

Da gusto ver como empregades todos os recursos que temos na biblio para pasalo ben. 

ESPERO A VOSA VISITA!!!

NOVIDADES LIBROS INFORMATIVOS E CREATIVOS

 Bo día, Liliseparador@s!

Temos na nosa biblio novidades de libros informativos. Este tipo de libros proporcionan o acceso á cultura escrita, amplían vocabulario, ofrecen información estruturada, axudan a comprender o mundo, fomentan o pensamento crítico e promoven a reflexión sobre temas cotiáns, permiten o autoaprendizaxe e potencian a curiosidade.

ADIANTE COAS LECTURAS!!!

NOVIDADES

 Bo día, Liliseparador@s!

Seguen chegando novidades á nosa biblio. Lembrade que podedes gozar delas na vosa quenda ou levalas en préstamo.

Espero que espertedes a vosa imaxinación e creatividade con este teatro de sombras e creedes novas historias cos vos@s compañeir@s utilizándoo como ferramenta de inclusión.

TALLER PAPEL RECICLADO

 Ola, Liliseparador@s!

Sabíades que cada ano desaparecen no planeta entre 73000 e 93000 km2 de bosques, o que equivale á superficie dun país como Portugal?

 

A reciclaxe de papel é un proceso que non só axuda a minimizar a deforestación de bosques senón que tamén reduce significativamente a enerxia e a auga utilizadas no proceso.

Inmersos como estamos este curso en coidar o noso planeta, aprendemos o proceso de elaboración do papel reciclado dunha forma sinxela e divertida. 

Consumide responsable, reutilizade e reciclade por un futuro sostible do noso planeta!!!

MONSTROS VERDADEIROS AMEAZAN O PLANETA

 Bo día, Liliseparador@s!

Xa sei que o pasastes moi ben na xincana do Día do Libro por iso, déixovos aquí unha actividade interactiva recompilando todas as preguntas que vos fixemos para que practiquedes e aprendades a derrotar estes monstros que ameazan o noso planeta. 

ADIANTE LILIRRESCATADOR@S!!!

EMPREGAMOS AS NOVAS TECNOLOXÍAS PARA COÑECER MÁIS OS NOSOS APARELLOS

 Bo día, Liliseparador@s!

Ampliamos os nosos coñecementos sobre os aparellos do noso corpo grazas a unha nova app que temos na biblio. 

RETO LECTOR MAIO

 Bo día, Liliseparador@s!

Xa comezou maio e como xa sabedes cambiamos o reto lector. Este mes adicámosllo a autor@s galeg@s e homenaxead@s nas Letras Galegas. Espero que vos guste a miña selección. Recordade que todavía estades a tempo de engadir a vosa suxestión na entrada da biblioteca.

Adiante coas últimas lecturas!!!

BOOKTUBERS INFANTILES

 Bo día, Liliseparador@s!

@s máis pequen@s do cole convertíronse en BOOKTUBERS. Compartiron as súas opinións, apreciacións e recomendacións de lecturas entre os seus iguais, creando comunidades de lectores.

QUE CANTEIRA TEMOS NO COLE, APUNTAN MANEIRAS!!!

XINCANA DÍA DO LIBRO- DÍA MUNDIAL DA SAÚDE

 Bo día, Liliseparador@s!

Esta semana fixemos unha xincana traballando así o Día Mundial da saúde e o Día do libro. Esta consistía en ir superando estacións con probas físicas e obtendo así cartas de gamificación de monstros que ameazan o noso planeta. Grazas ao xogo cooperativo conseguistes un agasallo para a vosa biblioteca de aula.

Só heroes e heroínas ambientais como vós podedes derrotalos!!! 

PARABÉNS LILISEPARADOR@S!