REVISTA CHORIMA 2017

A VOZ DO SANTA MARÍA 2017

Aquí podedes ver o número 5 do noso xornal.

DÍA DA POESÍA

VIAXANDO, VIAXANDO

Seguindo o noso proxecto de biblioteca, con Erika González demos "A volta ao día en 80 mundos".

 Foi unha viaxe moi interesante e divertida!

VISITA DA ESCRITORA ANDREA MACEIRAS

A escritora Andrea Maceiras presentounos a súa obra Volverás, golfiño aos nenos de 4.º, 5.º e 6.º.

Fíxonos moita ilusión que nos asinara o seu libro. Escoitamos con moita atención e contestou a todas as nosas preguntas. 

CHEGOU O ENTROIDO!

Ao chegaren estas datas, atopábamonos viaxando por Exipto con Lili. Para deseñar o noso disfrace inspirámonos na vestimenta dos antigos faraóns.

Desfilamos moi alegres todos xuntos ata o Concello. Os freixós e as orellas que comemos despois estaban ben ricos.

Ao final queimamos o Entroido, unha momia exipcia que quedou moi ben feita.

Que bo día pasamos!

VISITOUNOS IAGO LÓPEZ!

O pasado día 2 de febreiro, os nenos de 1.º, 2.º e 3.º de Primaria tivemos a sorte de que Iago López, o autor de O cociñeiro Martiño, viñese contarnos o seu conto.

Tivo como axudantes a algúns de nós, converténdonos coa súa maxia nos personaxes da historia.

Fíxonos moita ilusión e foi moi divertido! 

BENVIDO, PACO NOGUEIRAS!

Paco Nogueiras visitounos o pasado día 16 de xaneiro. Con el puidemos vivir as marabillosas historias que levaba na súa maleta. Ademais cantounos unhas fermosas cancións. 
 
Gustounos moito e esperamos que volva.

O NOSO NADAL CON LILI

Viaxar con Lili por todo o mundo é moi divertido. No festival de Nadal quixemos coñecer distintos lugares a través da súa música e os seus costumes.

De cantas formas se pode viaxar!

CHEGA O SAMAGOSTEEN!

Na nosa biblioteca o outono é tempo de castañas, de cabazas e de desfrutar con libros sobre fantasmas, bruxas, esqueletos e outros seres máxicos.

 

Todos colaboramos para facer unha exposición cos nosos libros preferidos de medo e para decorar os corredores con imaxinativas cabazas.

 

                                           

A ambientación e os disfraces quedaron "terroríficos".

DÍA DAS BIBLIOTECAS ESCOLARES

Un ano máis chegou ás nosas aulas unha carta de Lili onde nos propoñía un xogo de pistas para atopar o libro perdido sobre a súa viaxe arredor do mundo.

Buscamos por toda a biblioteca e cada curso conseguiu o seu  para a mochila viaxeira. Dentro dela había, entre outros, un precioso libro de arte, porque a nosa biblioteca é territorio de artes.

 

          Moi ilusionados buscamos as pistas.










                                                                                      
                                                                           Os pequeniños xa teñen o seu carné.

                                            Comeza a viaxe da mochila viaxeira.

UN NOVO PROXECTO !

A nosa mascota Lili tivo un verán moi axitado: deu a volta ao mundo.

Cando volveu ás Pontes, pensou que sería unha boa idea contarlle aos nenos a súa viaxe. Así naceu o proxecto A volta ao mundo con Lili.

Convidámosvos a todos a compartir a nosa aventura!